Türkmenistanyň Söwda-senagat edarasy TMT Consulting Group-yň goldawy bilen 2026-njy ýylyň 6-7-nji noýabrynda Hytaý Halk Respublikasynyň Şanhaý şäherinde Import önümleriniň 9-njy Hytaý Halkara Sergisiniň (CIIE) çäginde Türkmen-Hytaý işewürler forumyny geçirer. Bu başlangyç Türkmenistanyň we Hytaýyň wekilleriniň arasynda täze işewürlik gatnaşyklaryny ýola goýmaga, hyzmatdaşlygyň geljegi uly bolan ugurlaryny ara alyp maslahatlaşmaga, şeýle hem bilelikdäki taslamalary işläp taýýarlamaga gönükdirilendir.

Forumyň maksatnamasynyň çäklerinde gatnaşyjylara tematik sessiýalar, hyzmatdaşlygyň geljegi uly bolan ugurlarynyň tanyşdyrylyşy, işewür duşuşyklar we gepleşikleriň şu aşakdaky görnüşleri hödürlener:

• G2G — döwlet edaralarynyň arasynda özara gatnaşyk;
• B2G — işewürleriň döwlet edaralary bilen duşuşyklary;
• B2B — kompaniýalaryň we telekeçileriň arasynda göni gepleşikler;
• Hytaýyň öňdebaryjy kompaniýalarynyň ofislerine we önümçilik meýdançalaryna baryp görmek.

Kimler gatnaşyp biler?

Çärä işewür gatnaşyklary ösdürmäge, hyzmatdaşlary tapmaga we bilelikdäki taslamalary durmuşa geçirmäge gyzykma bildirýän Türkmenistanyň we Hytaýyň döwlet edaralarynyň, kompaniýalarynyň we telekeçiler jemgyýetçiliginiň wekilleri gatnaşmaga çagyrylýar.

Şu aşakdaky pudaklaryň wekillerine aýratyn üns berler:

• ikitaraplaýyn söwda we daşary ykdysady iş;
• senagat we senagat kooperasiýasy;
• oba hojalygy we gaýtadan işlemek;
• häzirki zaman tehnologiýalary we sanlylaşdyrma;
• ulag we logistika;
• üstaşyr geçmek mümkinçilikleri;
• ynsanperwer hyzmatdaşlyk.

Foruma gatnaşmak üçin nädip arza tabşyrmaly?

Çärä gatnaşmak üçin öňünden hasaba durmak zerurdyr.

Arzalar 20-nji oktýabra çenli kabul edilýär:

Gatnaşmak we hasaba durmak boýunça soraglar üçin:

Tel.: +993 12 75 36 44 / 48; +993 64 04 27 51
E-mail: ogulbagt.hydyrova@tmt.tm