744036, Türkmenistan, Aşgabat ş. Arçabil şaýoly, 56-njy jaýy
TM RU EN
"TÜRKMENGAZ" DÖWLET KONSERNI
GARAŞSYZ, BAKY BITARAP TÜRKMENISTAN
BEDEW BATLY AT-MYRADYŇ MEKANY
GARAŞSYZ, BAKY BITARAP TÜRKMENISTAN
BEDEW BATLY AT-MYRADYŇ MEKANY
21.11.2026

Türkmenistanyň Döwlet haryt-çig mal biržasynda 20-nji noýabrda geçirilen söwda geleşikleriniň dowamynda içerki we daşarky bazarlarda dürli görnüşli önümçilik harytlary boýunça birnäçe şertnamalar baglaşyldy. Birža söwdalarynyň netijeleri boýunça jemi 5 geleşik amala aşyrylyp, olaryň umumy bahasy 13 million 760 müň manada hem-de 19 million ABŞ dollaryna deň boldy.

Daşary ýurt bazarynda Türkiýe Respublikasynyň işewürleri tarapyndan “Türkmenhimiýa” döwlet konserniniň öndürýän “B” kysymly karbamidini satyn almak boýunça geleşikler amala aşyryldy. Bu şertnama türkmen himiýa senagatynyň önümlerine bolan daşary ýurtly hyzmatdaşlaryň gyzyklanmasynyň dowam edýändigini görkezýär.

Içerki bazarda bolsa ýerli telekeçiler “Türkmennebit” döwlet konserninden «TPP D 30 S» kysymly polipropileni, şeýle hem Sadulla Rozmetow adyndaky oba hojalyk paýdarlar jemgyýetinden arassalanan dezodorirlenmedik 1-nji hilli pagta ýagyny satyn almak boýunça geleşikleri baglaşdylar.

Bu görkezijiler ýurdumyzyň önüm öndürijileriniň içerki we halkara bazarlardaky ornuny pugtalandyrýandygyny hem-de eksport mümkinçilikleriniň giňelýändigini görkezýär.