„Türkmengazgeofizika“ müdirliginiň Türkmenistanyň çäginde nebite, gaza we beýleki tebigy baýlyklara burawlanylýan guýularda geofiziki barlaglary geçirmekde 75 ýyldan gowrak tejribesi bar.

Müdirligiň düzümine – Merkezi edarasy, Änew hojalyk-ulag topary, Guýulardaky geofiziki gözlegler boýunça karotaž partiýalar we geologiýa-tehnologiki derňemeler boýunça otrýadlaryň Ymam-Baba topary, Mary we Lebap meýdançalaryndaky guýularda geofiziki gözlegler boýunça önümçilik-tehnologiki gulluklary girýärler. Müdirligiň esasy sargytçylary – “Türkmengaz” DK-niň, “Türkmengeologiýa” DK-nyň, “Türkmennebit” DK-niň burawlaýyş we ulanyş işlerini alyp barýan önümçilik edaralary. „Türkmengazgeofizika“ müdirliginiňýerine ýetirýän hyzmatlary:

• guýularyň kesimini öwrenmek boýunça geofiziki barlaglar;
• guýularyň tehniki ýagdaýyna geofiziki barlaglar boýunça gözegçilik;
• guýularda atyş-partladyş işlerini geçirmek we olara geofiziki barlaglar boýunça gözegçilik;
• ýataklaryň işläp geçilişine guýy geofiziki barlaglar boýunça gözegçilik;
• guýularda synag geçiriji gurallar toplumy bilen gatlaklary synamak;
• guýularda geologiýa-tehnologiki barlaglar.

Ähli geofiziki işlerini geçirýän toparlar kämil öňdebaryjy kompýuterleşdirilen “KEDR”,“ANTARES” kysymly stansiýalar bilen üpjün edilen. Häzirki wagtda açyk sütündäki barlaglaryň 80%-den köpüsi „Logis“ enjamlar toplumy bilen geçirilýär (Russiýa Federasiýasynyň Krasnodar şäherindäki „Rialog“ firmasy), bu toplumyň tehniki häsiýetnamalary şulardan ybarat: standart görnüşinde – 175⁰C we 100 MPa, ýorite görnüşinde – 200⁰C we 120 Mpa. Guýularda geçirilýän geofiziki barlaglar toplumy bu enjamlaryň seplenen we ýörite programmalar arkaly dolandyrylýan görnüşleri bilen 3-5 goýberişde ýerine ýetirilýär.Geofiziki işleri geçirilýän guýularyň kesimleriniň dag-geologiki şertleri ýokary temperaturalary (›175⁰C), basyşlary hem-de gatlak suwlarynyň ýokary duzlulygy bilen çylşyrymlaşan. Guýynyň tebigy baýlyklara perspektiwaly barlag aralyklarynda gatlaklaryň litologiki düzümini wesygym-syzyjylygyny öwrenmek, şeýle hem kollektor-gatlaklaryny bölmeklik we olaryň öýjükliligine hem-de doýgunlylygyna baha bermek maksady bilen geofiziki barlaglaryň giňişleýin toplumlary ýerine ýetirilýär. Ýer jümmüşiniň türkmen böleginde tebigy baýlyklaryny gözlemegiň we barlamagyň esasy obýektleri hökmünde ýokarky paleozoý, mezozoý we kaýnozoý döwürleriniňterrigen-karbonat-sulfat çökündileriniň dag-jynslary bolup durýar. Olarda esasy önüm saklaýjy gatlaklar bolup, ýokarky paleozoýyň slanesleri, aşaky-orta ýura döwrüniň terrigen-karbonat çökündileri, ýokarky ýura duzasty, duzara we duzüstisulfat-karbonat-terrigen çökündileri, mel döwrüniň terrigen-karbonat çökündileri, pliosen we geologikinukdaý nazardan geljegi uly bolan miosen çökündileri bolup durýar. Guýularda gatlaklary synamak üçin ýa-da käbir tehniki sebäpler esasynda atyş-partladyş işlerini geçirilýär.Gatlak-kollektorlaryň synag işleri Germaniýanyň, Russiýanyň, Hytaýyň önümi bolan käbeldäki we NKT-daky perforatorlar bilen amala aşyrylýar. Olar özüni dine gowy tarapyndan görkezdiler we ýokary effektiwligi bilen tapawutlandylar.

  Salgysy: Aşgabat şäheri, M. Täçmyradow köçesiniň 1a jaýy

  Telefon belgisi: (993 12) 27-03-05 

   Faks: 27-03-01

   Elektron poçtasy: geofizika@turkmengaz.gov.tm