BMG-niň Türkmenistandaky Hemişelik utgaşdyryjysy Dmitriý Şlapaçenko ýurduň durnukly energiýa pudagyndaky işjeň tagallalaryny belläp, tutuş sebit üçin nusga bolup durýandygyny aýtdy.

Onuň belleýşi ýaly, durnukly energiýa tejribesi diňe bir uglewodorod zyňyndylaryny azaltmaga kömek etmän, eýsem geljekki durnukly ösüş üçin möhüm bolan energiýa howpsuzlygyny hem üpjün edýär.

D.Şlapaçenko şu ýyl Metanyň galyndylaryny azaltmak boýunça Geňeşiň döredilendigini, şeýle ädimleriň Türkmenistanyň halkara daşky gurşaw maksatlaryna we halkara şertnamalarynda göz öňünde tutulan borçnamalara ygrarlydygyny görkezýändigini aýtdy. Bu hereketleriň energiýa pudagyndaky halkara hyzmatdaşlygyny güýçlendirýändigini we bilelikdäki taslamalar üçin täze mümkinçilikleri açýandygyny aýtdy.

BMG-niň Türkmenistandaky Hemişelik utgaşdyryjysy Türkmenistanyň bu ugurdaky tagallalarynyň häzirki zaman daşky gurşawy goramak talaplaryna laýyk gelýän has durnukly energiýa ulgamynyň döredilmegine goşant goşjakdygyna ynam bildirdi.

Çeşme: Türkmenistan Halkara habarlar merkezi