2023-nji ýylda dünýäde tebigy gazyň bahasy durnuklaşdy, emma barybir ortaça statistiki derejeden ýokary bolmagynda galýar. Bu barada «Shell» britan kompaniýasy suwuklandyrylan gazyň bazary barada ýyllyk hasabatynda habar berdi diýip, «Gazeta.ru» ýazýar.

Kompaniýanyň bilermenleriniň pikirine görä, bazaryň kadalaşmagyna birnäçe ýagdaýlar, ýagny Ýewropadaky ýyly gyş we gazyň uly gorlary, atom energiýasynyň önümçiliginiň ýokarlanmagy hem-de Hytaýyň ykdysadyýetiniň dikelmegi sebäp boldy.

Bu bolsa, öz nobatynda 2021-nji ýylyň ahyryndaky we 2022-nji ýyldaky bilen deňeşdirilende, nyrhlaryň ösmegini peseltmäge mümkinçilik berdi. Emma barybir gazyň häzirki bahalary 2017-2020-nji ýyllardaky derejesinden ýokary bolmagynda galýar diýlip, habarda bellenýär.