Türkmenistanda «Galkynyşgaz» döwlet kärhanasy dörediler. «Türkmengaz» döwlet konsernine garamagynda hojalyk hasaplaşygynda işleýän bu kärhanany bellenen tertipde döretmek hem-de onuň Tertipnamasynyň taslamasyny taýýarlamak we tassyklamak tabşyryldy. Prezident Serdar Berdimuhamedow degişli Karara 18-nji aprelde sanly ulgam arkaly geçiren Hökümet mejlisiniň barşynda gol çekdi.
Resminama Berkarar döwletiň täze eýýamynyň Galkynyşy döwründe ýurduň nebitgaz pudagynyň öňünde goýlan wezipeleri üstünlikli durmuşa geçirmek we «Galkynyş» gaz käniniň dördünji tapgyryny özleşdirmek maksady bilen kabul edildi.