Türkmenistanyň Döwlet haryt-çig mal biržasynda geçirilýän söwdalaşyklarda 24-nji aprelde ýurdumyzyň nebitgaz we gurluşyk senagatynyň önümlerine isleg bildirildi.
Has takygy, birža söwdalarynyň barşynda daşarky bazarda Özbegistanyň işewürleri «Türkmennebit» döwlet konserninden «SN-600» kysymly başlangyç ýagyny satyn aldylar. Şeýle hem olar portlandsementi satyn almak barada ýerli işewürler bilen geleşik baglaşdylar.
Söwdalaşyklaryň barşynda jemi bahasy 16 million 563 müň amerikan dollaryna deň bolan 2 geleşik baglaşyldy.