«Türkmennebit» döwlet konserniniň Balkanabat nebitçilik orta hünär okuw mekdebinde Türkmenistanyň Demokratik partiýasynyň Balkanabat şäher komitetiniň X hasabat-saýlaw konferensiýasy geçirildi. Oňa Türkmenistanyň Demokratik partiýasynyň Balkanabat şäher komitetiniň işgärleri, ilkinji partiýa guramalarynyň ýolbaşçylary we partiýanyň işjeň agzalary gatnaşdylar.

«Arkadagymyzyň, Arkadagly Gahryman Serdarymyzyň alyp barýan syýasaty: türkmeniň döwletlilik ýoly» diýen şygar astynda geçirilen bu çärede hormatly Prezidentimiziň parasatly içeri we daşary syýasatyny halk köpçüliginiň arasynda wagyz etmek, partiýa agzalarynyň ýurdumyzda bellenilýän baýramçylyklara we şanly senelere işjeň gatnaşmaklaryny gazanmak boýunça alnyp barylýan işler dogrusyndaky çykyşlar, hasabatlar diňlenildi, guramaçylyk meselelerine seredildi.

Işjeň ýagdaýda geçen hasabat-saýlaw konferensiýasynda döredip berýän ajaýyp şert-mümkinçilikleri üçin Gahryman Arkadagymyza, Arkadagly Gahryman Serdarymyza alkyş aýdyldy.

Çeşme: "Balkan" gazeti