Hindistanyň Uttar-Pradeş ştatynda tebigy betbagtçylyklar — güýçli tupanlar we ýagyşlar bolup geçip, köp sanly adam pidalaryna, şikes ýetmelere hem-de weýrançylyklara getirdi.

Türkmenistanyň Prezidenti Serdar Berdimuhamedow şu zerarly Hindistan Respublikasynyň Prezidenti Draupadi Murmuwa hem-de ýurduň Premýer-ministri Narendra Modä gynanç hatyny iberdi.

Türkmen döwletiniň Baştutany şu agyr pursatda gurban bolanlaryň maşgalalaryna, dogan-garyndaşlaryna, ýakynlaryna Türkmenistanyň halkynyň we Hökümetiniň adyndan, şeýle hem hut öz adyndan çuňňur gynanjyny, medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.

Çeşme: Türkmenistanyň Döwlet habarlar agentligi