Hormatly Prezidentimiz Serdar Berdimuhamedow 8-nji iýunda sanly ulgam arkaly Ministrler Kabinetiniň Başlygynyň orunbasary Taňryguly Atahallyýewiň we welaýatlaryň häkimleriniň gatnaşmagynda iş maslahatyny geçirdi. Onda sebitlerde we oba hojalyk toplumynda alnyp barylýan işleriň barşyna seredildi. Bu barada «Türkmenistan Bu gün» döwlet habarlar agentligi habar berdi.

Häkimler sebitlerde däne oragynyň guramaçylykly dowam edişi, kombaýnlaryň we galla kabul ediş kärhanalarynyň bökdençsiz işledilişi barada hasabat berdiler. Şeýle hem gowaça meýdanlarynda agrotehniki ideg işleri, ýazlyk ýeralma we gök-bakja hasylyny ýygnamak, Daşoguzda we Lebapda şaly ekişine degişli taýýarlyklar barada bellenildi. Oba milli maksatnamasyna laýyklykda gurluşygy dowam edýän desgalaryň ýagdaýy aýdyp geçildi.

Döwlet Baştutanymyz hasabatlary diňläp, bugdaý hasylyny ýitgisiz ýygnap almagyň, gowaça idegini öz wagtynda geçirmegiň we täze binalaryň gurluşyk kalitesini berk gözegçilikde saklamagyň möhümdigini belläp, bu babatda anyk tabşyryklary berdi.