Ýagşygeldi Kakaýew adyndaky Halkara nebit we gaz uniwersitetiniň Energetika we inženerçilik desgalary fakultetiniň 4-nji ýyl talyby Begli Hojammaýew Gyrgyzystan Respublikasynyň Çolpan-Ata şäherinde geçirilen Bütindünýä Çarwadarlar oýunlarynda üstünlikli çykyş edip, baýrakly üçünji orna mynasyp boldy. Bu barada ýokary okuw jaýynyň metbugat gullugy habar berdi.

Begli Hojammaýewiň gazanan üstünligi türkmen ýaşlarynyň halkara sport ýaryşlarynda üstünlikli çykyş edýändiginiň nobatdaky mysaly boldy. Bu netije Ýagşygeldi Kakaýew adyndaky Halkara nebit we gaz uniwersitetinde talyplaryň bedenterbiýe we sport bilen meşgullanmagy, olaryň ukyp-başarnyklaryny ösdürmek ugrunda alnyp barylýan işleriň oňyn netijesini hem görkezýär.

Bütindünýä Çarwadarlar oýunlary 2026-njy ýylyň 2–6-njy sentýabry aralygynda geçirilip, oňa dünýäniň 36 döwletinden türgenler gatnaşdy. Abraýly halkara ýaryşynda Türkmenistanyň beýleki wekilleri hem üstünlikli çykyş etdiler.