“Türkmengazakdyryş” birleşiginiň Merkezi dolandyryş edarasynyň Guramaçylyk Hukuk Görnüşi - Döwlet eýeçiligi bolup durýar. Ondan ýokarda durýan guramasy - “Türkmengaz” Döwlet Konserni bolup durýar. Tertipnama boýunça “Türkmengazakdyryş” birleşiginiň Merkezi dolandyryş edarasynyň esasy alyp barýan işi - tebigy gazy Türkmenistanyň içindäki sarp edijilere akdyrmakdan ybarat bolup durýar.

-Tebigy gazy akdyrmak boýunça döwlet maksatnamalaryny durmuşa geçirýär;

-Dünýä tejribesini we onuň öňdebaryjy tilsimlerini ulanmak bilen tebigy gazyň akdyrylşyny kämilleşdirmek, ony sarp edijilere bökdençsiz hem-de hereket edýän talaplara we kanunlara laýyklykda akdyrmagy amala aşyrýar;

-Tebigy baýlyklardan rejeli peýdalanýar;

-Täze gazgeçirijileriniň gurluşugyny alyp barýar;

-Hereket edýän gazgeçirijileriniň durkuny täzeleýär;

-Tebigy gazy ibermek we almak üçin gaz çykaryjy kärhanalar we sarp edijiler bilen şertnamalar baglaşýar.

• Merkezi dolandyryş edarasy - “Gündogargazakdyryş” we “Daşoguzgazakdyryş” müdirliklerinden tebigy gazy alyp, içerki sarp edijilere ýerleýär.

Türkmenistanyň içerki sarp edijileri şu aşakdakylardan ybarat bolup durýar:

“Türkmengazüpjünçilik” birleşigi hem-de onuň garamagyndaky edara - kärhanalar.

Göni sarp edijiler :

• Energetika senagaty pudagynyň edara-kärhanalary,
• Himiýa senagaty pudagynyň edara-kärhanalary,
• Beýleki senagat pudagynyň edara-kärhanalary,
• Hususy kiçi kärhanalar,
• Hususy hojalyk jemgyýetleri,
• Hususy telekeçiler,

•      Birleşigiň Merkezi dolandyryş edarasy boýunça jemi - 1 000, 000 km gowrak ýokary basyşly gazgeçirijileri ulanylýar.

• Birleşigiň Merkezi dolandyryş edarasy ( Ahal bölümi ) boýunça ýokary basyşly gazgeçirijileriň ugrunda - jemi 46-dan gowrak AGPD-lar ( Awtomatlaş - dyrylan Gaz Paýlaýjy Desgalar ) hereket edýär.

•       Birleşigiň Merkezi dolandyryş edarasy boýunça ilaty we senagat kärhanalaryny gysylan gaz bilen üpjün etmek üçin - jemi 3 sany AGBDB-ler ( Awtomobilleri Gaz Bilen Dolduryjy Beketler ) bar. Olar:

Tejen, Änew, Büzmeýin AGBDB-ri ( Büzmeýin AGBDB-di häzirki wagtda işlemeýär we ätiýaçlykda saklanylýar ).

Edaranyň salgysy: Aşgabat şäheri Seýitnazar seýdi koçesi jaý1

Telefon belgisi: 920520/28-21-82

Faks: 920520/28-21-82

Elektron poçtasy: gazakdyrysh@turkmengaz.gov.tm