“DAŞOGUZGAZAKDYRYŞ” MÜDIRLIGINIŇ MERKEZI DOLANDYRYŞ EDARASY BARADA

“Türkmengaz” DK-niň “Türkmengazakdyryş” birleşiginiň “Daşoguzgazakdyryş” müdirliginiň Merkezi dolandyryş edarasynyň Guramaçylyk Hukuk Görnüşi - Döwlet eýeçiligi bolup durýar. Onuň ýokarda durýan guramasy - “Türkmengaz” DK-niň “Türkmengazgazakdyryş” birleşigi bolup durýar.

Tertipnama boýunça “Daşoguzgazakdyryş” müdirliginiň esasy alyp barýan işi:

• Dünýä tejribesini we onuň öňdebaryjy tilsimlerini ulanmak bilen tebigy gazyň akdyrylşyny kämilleşdirmek, ony sarp edijilere, eksporta bökdençsiz hem-de hereket edýän talaplara we kanunlara laýyklykda akdyrmagy amala aşyrmak;
• Tebigy gazy akdyrmak boýunça döwlet maksatnamalaryny durmuşa geçirmek;
• Tebigy baýlyklardan rejeli peýdalanmak;
• Täze gazgeçirijileriniň gurluşugyny alyp barmak;
• Hereket edýän gazgeçirijileriniň durkuny täzelemek;
• Tebigy gazy akdyrmak we almak-bermek üçin “Gazçykaryş” müdirlikleri we sarp edijiler bilen şertnamalar baglaşmak.

“Daşoguzgazakdyryş” müdirligi boýunça tebigy gaz, “Döwletabatgazçykaryş” müdirliginiň “Zeakli-Derweze” gaz käninden we “Lebapgazakdyryş” müdirliginiň “Naýyp” gaz käninden kabul edilip ýurdumyzyň içerki sarp edijilerine we eksporta jemi uzynlygy 2756.327 km bolan dürli diametrdäki gazgeçiriji turbalar  hem-de       3 (üç) sany Baş gazgeçirijileriň ugrundaky “Çöllük”, “Ýylanly”, “Derýalyk” önümçilik edaralarynyň we Gazawat senagat meýdançasynyň gazgeçirijileri arkaly akdyrylýar.

“Daşoguzgazakdyryş” müdirliginiň Merkezi ýyladyş elektrotehniki önümçilik tejribehanasy, Ýöriteleşdirilen ulanyş edarasy hem-de Awtoulaglar edarasy Baş gaz geçirijileriň ugrundaky önümçilik edaralaryň gaz gysyjy desgalarynda, gazgeçirijilerinde tehniki hyzmat etmekde, abatlamak işlerini geçirmekde tehniki kömek berýärler.

Müdirligiň Jemleýji we üpjün ediji önümçilik edarasy ýokardaky edaralary maddy-tehniki serişdeler we enjamlar bilen üpjin etmek işlerini ýerine ýetirýär.

         “Daşoguzgazakdyryş” müdirligi boýunça jemi 39 sany Awtomatlaşdyrylan gaz paýlaýjy desgalary hem-de 1 sany gaz ölçeýji desgasy bardyr.

1. Edaranyň salgysy – Daşoguz welaýaty, Şabat etraby, Gülistan geňeşligi, Öwezaly obasy, Öwezaly köçesi 1 “a” jaýy.
2. Telefon faks nomerlar – 9-38-86/9-38-98 faks