Aşgabatda “Dragon Oil” kompaniýasynyň (BAE) direktorlar geňeşiniň başlygy Saýed Al Taýer Türkmenistan bilen nebit-gaz pudagy boýunça hyzmatdaşlygy ösdürmek meselelerini ara alyp maslahatlaşdy. 

Türkmenistanyň Ministrler Kabinetiniň binasynda Al Taýeriň ýolbaşçylygyndaky wekiliýet bilen Türkmenistanyň wise-premýeri Batyr Amanowyň hem-de “Türkmennebit” Döwlet konserniniň Başlygy Guwanç Agajanowyň arasynda geçirilen duşuşyk netijeli boldy.

Taraplar “Dragon Oil” bilen Türkmenistanyň arasyndaky üstünlikli hyzmatdaşlygyny mundan beýläk ösdürmek meseleleri hem-de “Çeleken” we “Blok 19” meýdançalarynda uzakmöhletleýin maýa goýum tasalamalary barada maslahatlaşdylar. 

B.Amanow bilelikdäki hyzmatdaşlyga ýokary baha berip, “Dragon Oil” kompaniýasyny 2024-nji ýylyň sentýabrynda Aşgabatda geçiriljek Maýa goýum Maslahatyna gatnaşmaga çagyrdy. 

Duşuşykda gazyp alyşyň iň öňdebaryjy usullaryny ulanylmak bilen önümçiligi ýokarlandyrmak meseleleri ara alnyp maslahatlaşyldy. Bu bolsa özara bähbitli hyzmatdaşlygy ösdürmekdäki we täze müminçilikleriň öwrenilmegini artdyrmakdaky ikitaraplaýyn gatnaşyklaryň ýokarlanýandygyny subut edýär.

Çeşme: Türkmenistan Halkara habarlar merkezi