“Türkmengaz” döwlet konserniniň “Türkmengazüpjünçilik” birleşigi, Türkmenistanyň Prezidentiniň 15.12.2005 ýylda kabul eden № 7660 belgili Kararyna laýyklykda, “Türkmengaz” döwlet konserniniň 20.12.2005 ýyldaky №85 belgili we 06.01.2006 ýyldaky № 09 belgili kabul eden buýruklarynyň esasynda ozalky, “Türkmennebitgaz” Döwlet söwda korporasiýasynyň “Türkmengazüpjünçilik” birleşiginiň binýadynda döredilen ýuridiki şahsly özbaşdak döwlet guramasy bolup durýar.
Birleşik, Türkmenistanyň çägindäki senagat, jemgyýetçilik kärhanalaryna we ilata üznüksiz gazüpjünçiligine, gazyň ýerleşdirilişiniň hasabyny ýöretmegine, şäherlerde, şäherçelerde we oba ýerlerinde gaz geçirijileriň we gaz desgalaryň gurluşygyna, şeýle hem bökdençsiz işlemegine gözegçilik edýär. Türkmenistanyň “Uglewodorod gazy we gazüpjünçiligi” hakyndaky Kanunyna laýyklykda, birleşik ylymyň we tehnologiýalaryň soňky gazanylan görnüşleri bilen, ilata we hukuk guramaçylygyna garamazdan ähli edara-kärhanalara tebigy we suwuklandyrylan gazy bökdençsiz üpjün etmek hyzmatlaryny alyp barýar. Şol bir wagtyň özünde “Türkmengazüpjünçilik” birleşigi ilata hem-de edara kärhanalara tehniki hyzmat, gaz enjamlaryna gözegçilik, bejergi işleri, gaz-geçirijileri täzelemek, durkuny üýtgetmek, abatlamak, gaz ölçeýji enjamlaryny gurnamak, sökmek, profilaktika işlerini geçirmek ýaly hyzmatlary ýerine ýetirýär. Gazy üpjün etmegiň tertibi bu, hepdäniň gününe ýa-da günüň wagtyna garamazdan üznüksiz işi bolmak bilen, onuň mydamalyk gözegçiligini gaz hojalyk edaralarynyň adatdan daşary ýagdaýlarynda tehniki goldawyny berýän, ýörite awariýa-dispetçer gullugy alyp barýar. Degişli gullugyň iş jogapkärçigi aşakdakylardan ybarat bolup durýar:
-Dürli göwrümli gaz-geçirijilerde, gaz desgalarynda, hojalyk jaýlarda, edara-kärhanalarda döräp biljek hadysalaryň gaz bilen bagly ýagdaýlary aradan aýyrmak;
-Gaz-geçirijilerde gazyň basyşyny talaba laýyk we durnukly saklamak;
-24/7 sagatda ilatdan we edara-kärhanalardan gaz bilen bagly baradaky gelip gowuşýan çakylyklary kabul etmek, we aradan aýyrmak.

Salgysy: Aşgabat şäheri, Oguzhan köçesiniň 189-njy jaýy

Telefon belgisi: (+99312) 95-76-50

Faks:  95-76-55

Elektron poçtasy: tgu@turkmengaz.gov.tm

Web-sahypasy: tgu.gov.tm