Şu ýy­lyň 9-njy ýan­wa­ryn­da bo­lup geçen Ministrler Kabinetiniň mejlisinde nebitgaz pudagynyň öňünde durýan wezipelere garalyp geçilip, döwlet Baştutanymyz tarapyndan toplumyň edaralarynyň şanly ýylymyz üçin iş meýilnamalaryna gol çekildi. Bu iş meýilnamalaryna laýyklykda, toplumyň edara-kärhanalary tarapyndan ýylyň ilkinji aýlaryndan netijeli işler amala aşyrylyp başlandy. Şol bir wagtda, «Türkmennebit» we «Türkmengaz» döwlet konsernleri tarapyndan nebitgaz känlerini çuňňur özleşdirmek, tebigy we ugurdaş gazy, nebiti, gaz kondensatyny çykarmak, suwuklandyrylan gazy öndürmek, türkmen tebigy gazyny dünýä bazarlaryna eksport etmek ýaly işler ilerledilýär.

«Türkmengeologiýa» döwlet korporasiýasy tarapyndan nebite we tebigy gaza baý bolan gurluşlary, gaty magdanlary, ýerasty suwlary gözlemek we ýüze çykarmak, sanly ulgamy ösdürmek, ylmyň soňky gazananlaryny, innowasion tehnologiýalary önümçilige giňden ornaşdyrmak ýaly işler ýola goýulýar.

Mälim bolşy ýaly, «Galkynyş» gaz käni özüniň tebigy gaz gorlaryna baýdygy bilen, diňe bir ýurdumyzda däl, eýsem, sebit we dünýä derejesinde hem uly meşhurlyga eýedir. Mukaddes Garaşsyzlygymyzyň 35 ýyllyk toýy giňden toýlanyljak şanly ýylda bu käniň nobatdaky tapgyryny özleşdirmek işlerine girişilip, Türk­me­nis­tan — Ow­ga­nys­tan — Pa­kistan — Hin­dis­tan gaz ge­çi­ri­ji­si­niň mö­hüm bölegi bolan Arkadagyň ak ýoly bilen Ser­he­ta­bat — Hy­rat gaz ge­çi­ri­ji­si­niň gurluşygy üstünlikli ýerine ýetiriler.

Çeşme: "Nebit-gaz" gazeti