Türkmenistanyň Döwlet haryt-çig mal biržasynyň 26-njy fewralda geçirilen söwdalaşyklarynda nebit önümlerine uly isleg bildirildi.
Hususan-da, içerki bazarda ýerli işewürlerimiz “Türkmennebit” döwlet konserninden “SN-350” kysymly başlangyç ýagyny, “TPP D 30 S” we “TPP Z 30 G” kysymly polipropilenleri, peç ýangyjyny satyn aldylar. Şeýle-de olar Türkmenistanyň Senagat we gurluşyk önümçiligi ministrliginden gazbeton bloklaryny satyn almak barada geleşikleri baglaşdylar.
Söwdalaşyklaryň barşynda jemi bahasy 9 787 400,00 manada deň bolan 5 geleşik baglaşyldy.